موسم سرما کی پہلی بارش کے ساتھ ساتھ ژالہ باری نے موسم تبدیل کر دیا
لورالائی (ڈیلی گرین گوادر) لورالائی سمیت دیگر مضافات کے بیشتر حصوں میں موسم سرما کی پہلی بارش اور اس کے ساتھ ساتھ ژالہ باری نے موسم تبدیل کر دیا۔ علاقے کے مختلف حصوں میں بارش اور ژالہ باری ہوئی ہے جبکہ کہیں کہیں پر ہونے والی گرج چمک کے ساتھ موسلادھار بارش سے نشیبی علاقے زیر اب آگئے جس سے ٹریفک کا نظام بری طرح سے متاثر ہوا۔اطلاعات کے مطابق بعض علاقوں میں بجلی کا بریک ڈاؤن بھی ہوا اس حوالے سے محکمہ موسمیات کے مطابق لورالائی ڈویژن کے چاروں اضلاع میں بارش کا سلسلہ کل تک جاری رہنے کا امکان ہے۔
