کراچی،گلستان جوہر میں دھماکا، دو خواتین سمیت 6 افراد زخمی

کراچی(ڈیلی گرین گوادر)گلستان جوہر میں ایک اپارٹمنٹ میں دھماکے کے نتیجے میں دو خواتین سمیت 6 افراد زخمی ہوگئے۔واقعہ راڈو بیکری کے قریب ایک اپارٹمنٹ میں پیش آیا جس میں زخمی ہونے والوں کو قریبی اسپتال منتقل کردیا گیا ہے۔

ایس ایس پی ایسٹ عبدالرحیم شیرازی کے مطابق بظاہر ایسا لگتا ہے دھماکہ گیس لیکیج کے باعث ہوا ہے تاہم بم ڈسپوزل اسکواڈ کی ٹیم جائے وقوعہ کا معائنہ کرکے شواہد اکٹھے کررہی ہے۔ایس ایس پی شیرازی کا کہنا تھا کہ اس دھماکے میں بارودی مواد کے استعمال کے امکان کو رد نہیں کر سکتے تاہم بی ڈی ایس کی رپورٹ کے بعد اصل صورتحال سامنے آئے گی۔