پشین، نامعلوم افراد کی فائرنگ سے پولیس اہلکار شہید

کوئٹہ(ڈیلی گرین گوادر) پشین میں نامعلوم افراد کی فائرنگ سے پو لیس اہلکار شہید ہو گیا۔ پو لیس کے مطابق منگل کوپشین کے علا قے کلی تراٹہ میں پولیس اہلکار صدر تھانہ سرخاب سے گھر کی طرف جارہا تھا کہ راستے میں نامعلوم افراد فائرنگ کر دی جس کے نتیجے میں پو لیس اہلکار شہید ہو گیا۔ پو لیس نے لاش کو تحویل میں لیکر ہسپتال منتقل کر دیا جہاں ضروری کاروائی کے بعد لاش ورثاء کے حوالے کر د ی گئی۔ واضح رہے کہ کلی تراٹہ میں ایک ہفتے کے دوران 2پولیس اہلکاروں کو ٹارگٹ کیا گیا ہے، مزید کاروائی جا ری ہے۔