قلات، قومی شاہراہ پر سڑک کنارے نصب ریموٹ کنٹرول بم کا دھماکہ
قلات(ڈیلی گرین گوادر) قلات کے علاقے میں سڑک کنارے نصب بم کا دھماکہ کوئی جانی نقصان نہیں ہوا۔ لیویز ذرائع کے مطابق اتوار کو قلات کے علاقے سورو کے قریب قومی شاہراہ پر سڑک کنارے نصب ریموٹ کنٹرول بم کا دھماکہ ہوا تاہم دھماکے میں کسی بھی قسم کے جانی و مالی نقصان کی اطلاع موصول نہیں ہوئی،دھماکے کے بعد سیکورٹی فورسز کی بھاری نفری جائے وقوعہ پر پہنچ گئی اور شواہد اکھٹے کرنے کے بعد ملزمان کی تلاش شروع کردی مزید کاروائی جاری ہے ۔
