قلات،دشت بڈو میں دو قبائل کے درمیان زمین کے تنازعے کے نتیجے میں 3افراد زخمی
قلات (ڈیلی گرین گوادر)دشت بڈو میں دو قبائل کے درمیان زمین کے تنازعے کے نتیجے میں 3افراد زخمی ہو گئے۔ تفصیلات کے مطابق دشت بڈو میں گورانی اور چنال زہری قبیلہ کے درمیان زمین کے تنازعہ پر چنال قبیلہ نے حملہ کرکے گورانی مینگل قبیلہ تین افراد نصراللہ، ثناء اللہ اور محمد حیات کو لاٹھیوں ڈنڈوں اور دیگر لوہے کی سلاخوں سے وار کرکے شدید زخمی کردیا زخمیوں کو کوئٹہ منتقل کردیا گیا۔پولیس نے چنال قبیلہ کے حملہ آوروں کے خلاف ایف آئی آر درج کرکے گرفتاری کے لئے چھاپے مارنے شروع کردیئے ہیں اور حملہ آوروں نے جو ٹریکٹر موقع سے اپنے ساتھ لے گے تھے ایس ایچ او محمد رحیم نے کاروائی کرکے برآمد کرلیا علاقے میں واقعہ کے بعد کشیدگی پائی جاتی ہے۔
