لورالائی، نامعلوم افراد کی فائرنگ اور چھریوں کے وار سے ایک شخص جاں بحق،3زخمی
لورالائی (ڈیلی گرین گوادر) لو رلائی میں نامعلوم افراد فائرئنگ اور چھریوں کے وار سے ایک شخص جاں بحق 3زخمی ہو گئے۔ تفصیلات کے مطابق لورالائی کوہار ڈیم پر پکنک پر گئے ہو ئے 4دوستوں پرنامعلوم افراد کی فائرنگ اور چھریوں کے وار سے اسرار خان ولد فضل محمد جاں بحق جبکہ سید خان ولد آزاد خان، قاہر ولد محمد یونس اور محمد یارو ولد با ری خان زخمی ہو گئے۔ لیویز کے لاش اور زخمیوں کو فوری طورپر ہسپتال منتقل کر دیا جہاں ضروری کاروائی کے بعد لاش ورثاء کے حوالے کر دی گئی، مزید کاروائی جا ری ہے۔
