مستونگ میں حساس اداروں اور سی ٹی ڈی کی کارروائی،دوران فائرنگ کے تبادلے میں 5دہشت گرد ہلاک،4سیکورٹی اہلکار زخمی

کوئٹہ(ڈیلی گرین گوادر)مستونگ کے علاقے میں حساس اداروں اور سی ٹی ڈی کی کارروائی کے دوران فائرنگ کے تبادلے میں کالعدم تنظیم کے 5دہشت گرد ہلاک جبکہ4سیکورٹی اہلکار زخمی ہوگئے۔ ترجمان سی ٹی ڈی کے مطابق گزشتہ روز مستونگ کے علاقے میں ایک شخص کی ٹارگٹ کلنگ کے بعداسکی نعش لیکر جانے والے افراد کو بم دھماکے کا نشانہ بنانے والے افرادکے خلاف حساس ادارے اور سی ٹی ڈی کے اہلکاروں نے مستونگ کے علاقے قابو میں دہشت گردوں کے خلاف سرچ آپریشن شروع کیا تو ملزمان نے فائرنگ شروع کردی جس کے نتیجے میں 5دہشت گرد ہلاک ہوگئے جبکہ فائرنگ کے نتیجے میں 4سیکورٹی کے فورسز کے اہلکار بھی زخمی ہوئے جنہیں فوری طور پر ہسپتال منتقل کردیاگیا۔ ذرائع نے بتایا کہ سیکورٹی فورسز اور دہشت گردوں کے درمیان فائرنگ کے تبادلے کے دوران دھماکوں کی آوازیں بھی سنی گئی ہیں۔