مستونگ، کابو میں مقامی افراد کی گاڑیوں پر بم دھماکہ، 3 افراد جاں بحق
مستونگ (ڈیلی گرین گوادر) بلوچستان کے علاقے مستونگ دشت کابو میں میت کی تدفین کے بعد واپس آنے والوں کو دھماکے سے نشانہ بنایا گیا جس میں تین افراد جاں بحق ہوگئے۔ لیویز ذرائع سے ملنے والی اطلاع کے مطابق دھماکے کے نتیجے میں تین افراد جاں بحق جبکہ 6 زخمی ہوئے جن کی حالت تشویشناک ہے۔
لیویز کے مطابق دھماکے میں دو گاڑیوں کو ریموٹ کنٹرول سے نشانہ بنایا گیا، دھماکا اس وقت ہوا جب قبائلی افراد میت کو دفنا نے کے بعد واپس آرہے تھے.دھماکے کے بعد لیویز، پولیس اور ریسکیو ادارے کے رضاکار جائے وقوعہ پہنچنے اور لاشوں و زخمیوں کو کوئٹہ منتقل کیا۔
