چیئرمین سینیٹ صادق سنجرانی، مولانا غفور حیدری کی وڈھ آمد، سردار اختر مینگل سے اظہار تعزیت
خضدار (ڈیلی گرین گوادر)ا بلوچستان نیشنل پارٹی کے سربراہ رکن قومی اسمبلی سردار اختر جان مینگل کے چچا اور بزرگ بلوچ رہنماءمیر مہر اللہ خان مینگل کے انتقال پر وڈھ میں تعزیت کا سلسلہ تیسرے روز بھی جاری، جمعرات کے روز چیئرمین سینیٹ میر صادق سنجرانی، جمعیت علماءاسلام کے مرکزی سیکرٹری مولانا عبدالغفور حیدری، سینیٹر عبدالقادر، چیف سیکرٹری عبدالعزیز عقیلی، رکن صوبائی اسمبلی میر یونس عزیز زہری، سیکرٹری صحت حافظ محمد طاہر، کمشنر قلات ڈویژن داﺅد خان خلجی، ڈی آئی جی پولیس قلات رینج پرویز خان عمرانی، ڈپٹی کمشنر خضدار میجر (ر) محمد الیاس کبزئی، سابق وفاقی وزیر میر فائق جمالی، سابق ایم پی اے بابو امین عمرانی، سردار زادہ میر علی حیدر محمد حسنی، جسٹس (ر) عبدالقادر مینگل سمیت مختلف قبائل کے سربراہان، بلدیاتی کونسلران، مختلف قبائل کے ٹکریوں اور عوام کی بڑی تعداد نے مینگل کوٹ وڈھ میں بی این پی کے سربراہ سردار اختر جان مینگل، مینگل قبیلے کے سربراہ سردار اسد اللہ خان مینگل سے بزرگ بلوچ رہنماءمیر مہر اللہ خان مینگل کے انتقال پر تعزیت کا اظہار کرتے ہوئے مرحوم کی مغفرت کے لیے دعا کی۔
