گوادر میں کام کرنے والے نجی ادارے عوام اور ضلعی انتظامیہ کے درمیان مضبوط روابط بنانے میں اپنا بھر پور کر دار ادا کریں،عزت نزیر بلوچ

گوادر (ڈیلی گرین گوادر) ڈپٹی کمشنر گوادر عزت نزیر بلوچ نے ہے کہا کہ گوادر میں بینک اور دیگر نجی ادارے جو کام کررہے انہیں چائیے کہ وہ گوادر کی ترقی اور سماجی کاموں سمیت مختلف سماجی شعبوں میں ضلعی انتظامیہ کے ساتھ بھر تعاون کرکے علاقے کی ترقی میں اپنا نمایاں کردار ادا کریں۔ان خیالات کا اظہار انہوں نے ضلع بھر مختلف بینک منیجروں کے اجلاس کی صدارت کے دوران بات چیت کرتے ہوئے کیا ہے۔انہوں نے کہا کہ گوادر میں کام کرنے والے نجی ادارے عوام اور ضلعی انتظامیہ کے درمیان مضبوط روابط بنانے میں اپنا بھر پور کر دار ادا کریں اور ضلعی انتظامیہ نجی اداروں کے سماجی کاموں کی ادائیگی میں ان کی ہر ممکنہ معاونت کرے گی انھوں نے کہا کہ آپس میں مضبوط رابطہ، عوامی و تعاون اورنجی شعبہ کی سماجی خدمات سے مقامی افراد کو بھر پو ر فائدہ پہنچایا جا سکتا ہے انہوں نے بتایا کہ بینک اور نجی ادارے گوادرمیں،تعلیم اور صحت کے شعبو ں میں خدمات انجام دیں سکتے ہیں انہوں نے نجی و سرکاری بینکوں کے نمائندوں پر زور دیا وہ گوادر کے عوام خاص کر تاجر برادری اور سٹوڈنٹس کے لیے آسان وبلاسود قرضے فراہم کریں تاکہ مقامی لوگ انکے فراہم کردہ رقم سے اپنے کاروبار میں وسط لائیں اور طالب علم طبقہ اپنی تعلیمی اخراجات پورا کرکے اپنی تعلیم مکمل کریں َ