جامعہ بلوچستان اور قوام متحدہ کا ادارہ برائے مہاجرین(UNHCR) کے مابین سمجھوتے پر دستخط کئے گئے

کوئٹہ(ڈیلی گرین گوادر) جامعہ بلوچستان اور قوام متحدہ کا ادارہ برائے مہاجرین(UNHCR) کے مابین ایک ایگریمنٹ کے سمجھوتے پر دستخط کئے گئے۔ باہمی سمجھوتے پر جامعہ کے وائس چانسلر پروفیسر ڈاکٹر شفیق الرحمان اور یو این ایچ سی آر کے ہیڈ آف سب آفس اروین پولیکر نے دستخط کئے۔ اس موقع پریو این ایچ سی آر کے اسسٹنٹ پروگرام آفیسر جلال خان کاکڑ، جامعہ کے اساتذہ اور افیسران بھی موجود تھے۔ باہمی سمجھوتے کے تحت دونوں ادارے تعلیمی، تحقیقی، تربیتی سرگرمیوں کو مشترکہ طور پر فروغ دینے سمیت تعاون و اشتراک عمل سے تعلیمی معیار میں بہتری لائیں گے۔ جس میں وفد کو جامعہ کے تعلیمی، تحقیقی سرگرمیوں، ترقیاتی منصوبوں اور مستقبل کے پروگرامز کے حوالے سے بتایا گیا۔ اور افغان مہاجرین کے فلاؤبہبود، اعلیٰ تعلیم کے مواقع سمیت مختلف شعبہ جات کے اشتراک عمل کو بروئے کار لاتے ہوئے تعلیمی، تحقیقی و تربیتی سرگرمیوں کو عملی جامہ پہنایا جائے گا۔ جس کے لئے یو این ایچ سی آرتعاون اورتحقیقی مواد کی فراہمی کو یقینی بنائے گا۔ اور مشترکہ طور پر منصوبوں کو عملی جامہ پہنانے کے لئے اقدامات کئے جارہے ہیں اور مستقبل میں بھی اقوام متحدہ کے تعلیمی اداروں اور جامعہ بلوچستان کے ساتھ مشترکہ طور پر تعلیمی، تحقیقی سرگرمیوں کو فروغ دیا جائے گا اور ایک دوسرے کے تعاون و تجربات کو اعلیٰ تعلیم کے حصول کے لئے بروئے کار لائی جائے گی۔اس موقع پر جامعہ کے وائس چانسلر نے کہا کہ اداروں کے درمیان بہتر تعلقات تعاون و اشتراک عمل جدید تحقیق و علم کے حصول کے لئے ناگزیر ہے اور جامعہ بلوچستان نے مختلف تعلیمی اداروں کے ساتھ تعلقات استوار کئے ہوئے ہیں۔ جسکا مقصد ایک دوسرے کے تعلیمی، تحقیقی تجربات سے استفادہ کرتے ہوئے اعلیٰ تعلیم کے حصول کو ممکن بنانا ہے۔انہوں نے کہا کہ ہائیر ایجوکیشن کمیشن اسلام آباد پورے دنیا میں اپنے خدمات سرانجام دے رہے ہیں۔ اور جامعہ بلوچستان کے ساتھ باہمی سمجھوتے کے دور رس نتائج برآمد کئے جائیں گے۔ اور جامعہ بلوچستان ہزاروں طلبہ کو تعلیم کے مواقع فراہم کرنے سمیت بہتر مستقبل کی جانب راغب کرنے کے لئے کوشاں ہیں۔یو این ایچ سی آر کے ہیڈ آف سب آفس نے کہا کہ جامعہ بلوچستان کے ساتھ باہمی سمجھوتے سے جدید تعلیم سمیت طلبہ کی بہتر تعلیم اور کارآمد انسانی وسائل کی دستیابی میں اہم ثابت ہوگی۔