ضلع خیبر، فائرنگ سے پولیس اہلکار شہید
پشاور (ڈیلی گرین گوادر) خیبرپختونخواہ کے علاقے جمرود میں نامعلوم افراد کی فائرنگ سے پولیس اہلکار شہید ہوگیا۔حکام کے مطابق خیبر کے علاقے نئی آبادی جمرود نے گھات لگائے نامعلوم افراد نے پولیس اہلکار پر فائرنگ کی اور موقع سے فرار ہوگئے۔ واقعے کے بعد پولیس کی بھاری نفری جائے وقوعہ پر پہنچی اور اہلکار کو اسپتال منتقل کیا۔ اسپتال منتقلی پر ڈاکٹرز نے پولیس اہلکار کی موت کی تصدیق کی۔
پولیس کے مطابق واقعے کی تحقیقات اور ملزمان کی تلاش جاری ہے، داخلی اور خارجی راستوں پر چیکنگ بڑھا دی جبکہ اطراف میں خفیہ معلومات کی بنیاد پر کارروائی کی جارہی ہےدوسری جانب سی سی پی او پشاور نے رواں سال خیبر میں ہونے والے پُرتشدد واقعات پر بریفنگ دیتے ہوئے بتایا کہ ایک سال کے دوران دہشت گردی کے واقعات میں پانچ جوان شہید جبکہ افغان سرھد کے پاس دو دہشت گرد مارے گئے ہیں۔
