کوئٹہ میں آٹے کا بحران ختم، سستے سیل پوائنٹس قائم کردیے گئے

کوئٹہ (ڈیلی گرین گوادر) محکمہ خوراک بلوچستان کی جانب سے آٹے کا بحران پیدا ہونے کے بعد مختلف علاقوں میں سستاآٹا سیل پوائنٹس قائم کردیے گئے ہیں۔حکام کا کہنا ہے کہ شہر میں سستا آٹا سیل پوائنٹس 7مقامات پر قائم کیے گئے ہیں، جہاں 20کلو آٹے کا تھیلا 1399 روپے میں فروخت کیا جارہا ہے۔

سیل پوائنٹس قائم کیے جانے کے بعد شہریوں کی بڑی تعداد سستا آٹا خریدنے کے لیے مقررہ مقامات پر پہنچ رہے ہیں۔ محکمہ خوراک کے مطابق شہریوں کی مشکلات کو مدنظر رکھتے ہوئے حکومت نے سستا آٹا سیل پوائنٹس قائم کیے ہیں۔