منشیات فروشوں اورعادی افراد کے خلاف کاروائی کووسعت دیکردیگرعلاقوں میں بھی آپریشن کیاجائے گا، غلام اظفر مہیسر

کوئٹہ (ڈیلی گرین گوادر) ڈی آئی جی کوئٹہ غلام اظفر مہیسر نے کہا ہے کہ سٹی نالے میں منشیات فروشوں اور عادی افراد کے خلاف کاروائی کو وسعت دیکر دیگر علاقوں میں بھی آپریشن کیاجائے گاتاکہ منشیات جیسی لت کو جڑ سے اکھاڑمعاشرے کو منشیات سے پاک ماحول فراہم کریں۔آپریشن میں پکڑے گئے منشیات کے عادی افراد کی بحالی کے لیے ہرممکن اقدامات کئے جائیں گے تاکہ وہ صحت مند ہوکر معاشرے کے لئے سود مند ثابت ہوسکے۔یہ بات انہوں نے کوئٹہ کے تمام مراکز بحالی مریضان منشیات کے سربراہان کے اجلاس اور سٹی نالے پر قائم کئے گئے چیک پوسٹوں کے معاہنہ کے موقع پر میڈیا سے بات چیت کرتے ہوئے کہی۔مراکز بحالی مریضان منیشات کے سربراہان کے اجلاس میں اداروں کی کارکردگی،علاج ومعالجہ،گنجائش،سہولیات،مسائل اور وسائل پر تفصیلا سے جائزہ لیاگیا۔تاکہ آپریشن میں پکڑے گئے منشیات کے عادی افراد کو بحالی مراکز کے حوالے کرنے اور علاج ومعالجہ کا عمل شروع کیاجائے۔ڈی آئی جی کوئٹہ نے تمام سربراہان کو سٹی نالے کا دورہ کروایا جہاں انہیں نے چیک پوسٹوں اور نفری کے حوالے سے بتایا کہ پولیس کاروائی کے بعد سٹی نالے میں منشیات کے عادی افراد کا امجد کا بننے سے روکنے کے لئے 6 چیک پوسٹ قائم کر دیئے گئے ہیں جس میں 70 پولیس اہلکار مختلف اوقات میں ڈیوٹی سرانجام دے رہے ہیں۔ جبکہ ضرورت پڑنے پر نئے مورچے اور ایک ٹاور چیک پوسٹ بھی بنایا گیا ہے تاکہ سٹی نالے پر مکمل نگرانی رکھی جاسکے۔اس موقع پر ڈی آئی جی کوئٹہ نے کہاکہ منشیات فروشوں اور منشیات کے عادی افراد کے خلاف کاروائی کے بعد بحالی کا عمل جاری ہے۔اور اس مسئلہ کا مستقل بنیادوں پر حل نکلا جارہاہے۔جس کے بعد دوسرے مرحلے میں شہر کے دیگر نالوں قدوسی نالہ،سریاب نالہ اور کچلاک میں وسیع پیمانے پر آپریشن کیاجائے گا۔انہوں نے کہاکہ منشیات سے پاک معاشرے کا قیام ہماری اولین ترجیح ہے جس کے لئے ہر ممکن اقدامات کئے جارہے ہیں۔اس موقع پر انہوں نے محکمہ سوشل ویلفیئر کے مرکز نزد بلیلی چیک پوسٹ کا دورہ کیا جہاں انہیں مرکز میں دئیے گئے سہولیات اور دیگر معاملات کے بارے میں بریفنگ دی گئی۔