منگچربازار میں دستی بم پھٹنے سے ایک شخص جاں بحق دو زخمی
قلات(ڈیلی گرین گوادر) منگچر بازار میں دستی بم پھٹنے سے ایک شخص جاں بحق دو افراد زخمی ہو گئے۔ منگچر لیویز کے مطابق گزشتہ روز منگچر بازار میں ایک دکان کے سامنے نصیب اللہ ولد غلام محمد قوم محمد حسنی کے ہاتھ میں ہینڈگرنیڈ پھٹ گیا جس کے نتیجے میں وہ موقع پر جاں بحق جبکہ نیاز اللہ ولد محمد عمر قوم محمد شہی سکنہ مندے حاجی اور مجیب الرحمٰن ولد عبد الرازق قوم جتوئی سکنہ کوئٹہ زخمی ہو گئے۔ لیویز کے مطابق جاں بحق ہو نے والے شخص نصیب اللہ کو دماغی توازن ٹھیک نہیں ہے۔ لیویز نے لاش اور زخمیوں کو فوری طور پر ہسپتال منتقل کر دیا جہاں ضروری کاروائی کے بعدلاش ورثاء کے حوالے کر دی گئی۔ مزید کاروائی جار ی ہے۔
