خضدار ٹریفک حادثے میں جاں بحق افراد کی تعداد 9 ہوگئی،25 افراد زخمی

خضدار(ڈیلی گرین گوادر)خضدار میں ٹریفک حادثہ، 9 افراد جاں بحق 25افرادزخمی ہو گئے۔ تفصیلات کے مطابق پیر کوخضدار سے 25 کلومیٹر دور این 25 قومی شاہراہ پر کورک کے موڑ پر توتک سے خضدار آنے والی پک اپ اور مخالف سمت سے جانے والی ویگن سے ٹکرا گئی جس کے نتیجے میں کلثوم، فریدہ، گل جاں،عبد الظاہر، مرجان، گلبند، جلیل احمد، انس اور گلبدین موقع پر جاں بحق جبکہ 25افرادزخمی ہو گئے۔ لیویز نے لاشو ں اور زخمیوں کو فوری طوپر ہسپتال منتقل کر دیا۔ضلعی انتظامیہ نے ہسپتال میں ایمرجنسی نافذ کردی تمام ڈاکٹرز اور پیرامیڈیکس کو ہسپتال پہنچنے کی کال دی گئی۔ رکن بلوچستان اسمبلی میر یونس عزیز زہری،ڈپٹی کمشنر خضدار میجر ریٹائرڈ محمد الیاس کبزئی،اسسٹنٹ کمشنر خضدار جہانزیب نور شاہوانی ایم ایس ٹیچنگ ہسپتال سعید احمد شاہوانی پی پی پی خضدار کے جنرل سیکرٹری محمد اسماعیل زہری الغنی ویلفیئر ٹرسٹ کے نمائندہ حافظ حمیداللہ مینگل مولوی علی اکبر مینگل سمیت دیگر سماجی و سیاسی شخصیات فوری طور پر ہسپتال پہنچ گئے اور از خود امدادی کاموں میں حصہ لیا ایمبولینس منگوئے گئے۔ شدید زخمیوں کو کراچی ریفر کردیا گیا۔ مزید کاروائی جا ری ہے۔