مچھ میں مکان کی چھت گرنے سے خواتین سمیت 5 افراد جاں بحق

مچھ (ڈیلی گرین گوادر)بلوچستان کے علاقے مچھ میں مکان کی چھت گرنے سے پانچ افراد جاں بحق ہو گئے۔پولیس کے مطابق مچھ میں مکان کی چھت گرنے سے جاں بحق ہونے والوں میں چار خواتین اور ایک نوجوان شامل ہے۔

یاد رہے کہ اس سے قبل بولان میں بھی گزشتہ روز بارشوں کی وجہ سے مکان کی چھت گرنے سے 4 خواتین سمیت 5 افراد جاں بحق ہوئے تھے۔بلوچستان میں حالیہ بارشوں سے بڑے پیمانے پر تباہی ہوئی ہے اور صوبے کے مختلف علاقوں کا ملک کے دیگر علاقوں سے زمینی رابطہ کئی روز سے منقطع ہے، بجلی اور گیس کی فراہمی بھی تعطل کا شکار ہے جبکہ موبائل فون سروس بھی متاثر ہے۔