دکی،طو فانی بار ش کے باعث کچے مکان کی چھت گرنےسے 6سالہ بچہ جاں بحق

کوئٹہ(ڈیلی گرین گوادر) دکی میں طو فانی بار ش کے باعث کچے مکان کی چھت گر نے سے 6سالہ بچہ جاں بحق 3افراد زخمی ہو گئے۔ ڈپٹی کمشنر دکی کے مطابق منگل کو دکی کے علا قے ناصر آباد تحصیل میں طوفانی بارش کے باعث کچے مکان کی چھت گر گئی جس کے نتیجے میں 6سالہ بچہ شعیب خان جاں بحق جبکہ محمد ولد شراف الدین، شریف الدین ولد جما لدین، بی بی جلا ل زئی زخمی ہو گئے۔ ضلعی انتظامیہ نے جاں بحق اور زخمی ہو نے والے افراد کو ریسکیو کر کے ہسپتال منتقل کر دیا جہاں ضروری کاروائی کے بعد لاش ورثاء کے حوالے کر دی گئی۔ مزید کاروائی جا ری ہے۔