سوئی میں گاڑی سیلابی ریلے میں بہہ جانے سے ایک خاتون جاں بحق دو افراد لاپتہ

کوئٹہ(ڈیلی گرین گوادر)ڈیرہ بگٹی کی تحصیل سوئی میں گاڑی سیلابی ریلے میں بہہ جانے سے ایک خاتون جاں بحق دو افراد لاپتہ ہوگئے۔ ڈپٹی کمشنر ڈیرہ بگٹی ممتاز کھیتران کے مطابق ڈیرہ بگٹی کے علاقے سوئی میں واقع سوئی نالے میں گاڑی سیلابی ریلے میں بہہ گئی جس کے بعد لیویز اور ضلعی انتظامیہ کی جانب سے ریسکیو آپریشن کا آغاز کیا گیا اس دوران دوافراد کو زندہ بچالیا گیا جبکہ ایک خاتون سیلابی ریلے میں ڈوب کر جاں بحق ہوگئی۔ڈپٹی کمشنر کے مطابق گاڑی کے ڈرائیور اور ایک خاتون کی تلاش جاری ہے۔