بلوچستان میں29ستمبرسے شروع ہونے والی انسداد پولیو مہم ایک ہفتے کے لئے ملتوی
کوئٹہ(ڈیلی گرین گوادر) بلوچستان میں 29ستمبر سے شروع ہونے والی انسداد پولیو مہم ایک ہفتے کے لئے ملتوی کردی گئی۔ ایمرجنسی آپریشن سینٹر حکام کے مطابق بلوچستان بھر میں پانچ روزہ انسداد پولیو مہم 29ستمبر سے شروع ہونی تھی تاہم صوبے میں سیلاب کی صورتحال اور موسمی حالات کو مدنظر رکھتے ہوئے مہم کو ایک ہفتے کے لئے ملتوی کردیا گیا ہے۔ ایمرجنسی آپریشن سینٹر حکام کے مطابق صوبے بھر میں اب انسداد پولیو مہم یکم ستمبر سے شروع ہوگی جو پانچ روز تک جاری رہے گی۔
