کراچی،نئی امریکی قونصل جنرل نکول ٹیریو نے ذمہ داریاں سنبھال لیں

کراچی(ڈیلی گرین گوادر)کراچی میں نئی امریکی قونصل جنرل نکول ٹیریو نے اپنی ذمہ داریاں سنبھال لیں۔امریکی سفارتخانے کی رپورٹ کےمطابق کراچی میں تعیناتی سے پہلے انہوں نےامریکی سفارتخانہ پورٹ او پرنس ہیٹی میں ڈپٹی چیف آف مشن اور چارج ڈی افیئرز کے طور پر خدمات انجام دیں۔

دوہزار سترہ سے دوہزار اٹھارہ تک نکول ٹیریو نے کابل کے امریکی سفارت میں پولیٹیکل کونسلر کی ذمہ داریاں نبھائیں۔ وہ اسلام آباد میں امریکی سفارتخانہ میں پولیٹیکل آفیسر بھی رہ چکی ہیں۔قونصل جنرل نکول ٹیریو کا عزم ہے کہ وہ باہمی تجارت، سرمایہ کاری،صحت، سلامتی، تعلیم اور دیگر شعبوں میں دوطرفہ شراکت کو مزید بہتر بنانے کی جدوجہد جاری رکھیں گی۔