لورالائی، پولیس کی کارروائی مفرور ملزم گرفتار قبضے سے اسلحہ بر آمد
لورالائی (ڈیلی گرین گوادر)لورالائی پولیس کی کاروائی مفرور ملزم گرفتار قبضے سے اسلحہ برآمد کر لیاگیا۔ ڈپٹی انسپکٹر جنرل آف پولیس ژوب رینج بمقام لورالائی صاحبزادہ بلال عمر کی ہدایات پر ایس ایس پی لورالائی آصف فراز مستوئی کے احکامات پر کاروائی زیرنگرانی ایس ڈی پی او سردار نصراللہ خان حمزازئی ایس ایچ او پولیس تھانہ صدر لورالائی عبدالکریم مندوخیل کے سربراہی میں ایدیشنل ایس ایچ او بہادر مری ہمراہ ملازمان نے باچاخان چوک لورالائی کے قریب کاروائی کرتے ہوئے مقدمہ فرد نمبر 63/022 بجرم 392 ت پ میں مفرور ملزم محمد یوسف ولد حمیداللہ شاہ قوم ونیچی ساکن ریگوڑہ سنجاوی کو گرفتار کرلیا۔ جسکے قبضے سے ایک عدد ٹی ٹی پستول زندہ کارتوس برآمد کرلیا۔ملزم کیخلاف بغیر لائسنس اسلحہ رکھنے کیخلاف پولیس تھانہ صدر لورالائی میں مقدمہ بجرم درج کرلیا مزید تفتیش پولیس کررہی ہے۔
