غیر ملکی یونیورسٹی کی 7 لاکھ روپے فیس جمع کرانے جانے والا نوجوان لُٹ گیا

لاہور(ڈیلی گرین گوادر)لاہور کے علاقے ٹاؤن شپ میں ڈاکوؤں نے ایک نوجوان سے 7 لاکھ روپے لوٹ لیے، نوجوان غیر ملکی یونیورسٹی میں داخلے کی فیس جمع کرانے جارہا تھا۔ پولیس کے مطابق ٹاؤن شپ میں نوجوان سے 7 لاکھ روپے لوٹنے والے نامعلوم ڈاکوؤں کے خلاف مقدمہ درج کرلیا گیا ہے۔متاثرہ نوجوان کے مطابق اس نے لندن کی یونیورسٹی میں داخلے کیلئے فیس جمع کروانا تھی، ڈاکوؤں نے واردات کے دوران ہوائی فائرنگ بھی کی۔پولیس کے مطابق ڈاکو ضروری کاغذات اور یونیورسٹی کی دستاویزات بھی ساتھ لے گئے۔