پنجگو، سیلابی ریلوں سے سڑکیں بہہ جانے سے دیہاتی علاقوں کا شہرسے رابطہ منقطع

پنجگور (ڈیلی گرین گوادر) پنجگور شہر اور مضافاتی علاقوں میں طوفانی بارشوں سے معمولات زندگی بری طرح سے متاثر کچے مکانات اور فصلات کو شدید نقصان سیلابی ریلوں سے سڑکیں بہہ جانے سے دیہاتی علاقوں کا شہر سے رابطہ منقطع۔ تفصیلات کے مطابق اتوار اور پیر کی درمیانی شب شروع ہونے والی بارشوں سے معمولات زندگی بری طرح سے متاتر ہوچکا ہے شہر میں بجلی کی فراہمی معطل ہونے کے ساتھ موبائل نیٹ بھی منقطع ہے طوفانی بارشوں سے ندی نالوں میں طغیانی کے پیش نظر دریائے رخشان کے قرب وجوار کی آبادیاں بھی غیر محفوظ ہوچکی ہے پنجگور کے دیہی علاقوں سے آمدہ اطلاعات کے مطابق سیلابی ریلوں سے سڑکوں کو بھی شدید نقصان پہنچا ہے جس کی وجہ بعض دیہاتوں کا شہر سے زمینی رابطہ بھی منقطع ہوگیا ہے کجھور انگور کپاس کی فصلات بھی تباہ ہوچکے ہیں۔