مسلم لیگ ن کے رہنما مولانا غیاث الدین کے بیٹے پر فائرنگ

نارووال (ڈیلی گرین گوادر) پاکستان مسلم لیگ ن کے رکن پنجاب اسمبلی مولانا غیاث الدین کے بیٹے کو فائرنگ کا نشانہ بنایا گیا۔پولیس کے مطابق پنجاب کے علاقے شکر گڑھ میں مولانا غیاث الدین کے بیٹے زید بن غیاث کو مخالفین کی جانب سے اس وقت نشانہ بنایا گیا جب وہ ہوٹل پر کھانا کھا رہے تھے۔

پولیس ذرائع کے مطابق زید بن غیاث کو فائرنگ سے قبل تشدد کا نشانہ بھی بنایا گیا، جس کے نتیجے میں وہ شدید زخمی ہوگئے۔ انہیں فوری اسپتال منتقل کردیا گیا جہاں وہ زیر علاج ہیں۔پولیس کا کہنا ہے کہ واقعہ ذاتی رنجش کا شاخسانہ معلوم ہوتا ہے۔ میڈیکل رپورٹ آنے پر مزید کارروائی کی جائے گی