وزیراعلیٰ پنجاب کا انتخاب، عمران خان بھی ہار گئے، آصف زرداری جیت گئے،مونس الٰہی

لاہور (انتخاب نیوز) مونس الٰہی نے اپنے بیان میں کہا ہے کہ وزیر اعلیٰ پنجاب کے انتخاب کے حوالے سے چوہدری شجاوت نے اپنے خط میں لکھا ہے کہ عمران خان کے امیدوار کی حمایت نہیں کروں گا۔ چوہدری شجاعت نے اپنے خط میں لکھا ہے کہ کسی کو ووٹ نہیں دینا، انہوں نے کوئی وڈیو پیغام ریکارڈ نہیں کرایا۔ مونس الہٰی نے اس حوالے سے مزید کہا کہ وزیراعلیٰ پنجاب کے انتخاب کے حوالے سے میں بھی ہار گیا، عمران خان بھی ہار گئے، آصف زرداری جیت گئے۔ مونس الٰہی نے مزید کہا کہ ہماری آپس میں رشتہ داریاں ہیں، میں اپنا رشتہ بچانے ماموں کے پاس گیا تھا، جو نہیں بچا پایا۔