کوئٹہ،تھانہ نوحصار میں تعینات سب انسپکٹر کی گھر سے لاش برآمد

کوئٹہ(ڈیلی گرین گوادر)کوئٹہ تھانہ نوحصار میں تعینات سب انسپکٹر کی گھر سے لاش برآمد تفصیلات کے مطابق گزشتہ روزکوئٹہ تھانہ نوحصار میں تعینات سب انسپیکٹر محمد ریاض کی لاش گھر میں چھت سے لٹکی ملی ۔مذکورہ انسپکٹر محمد ریاض اس سے قبل سی ٹی ڈی میں فرائض انجام دے رہا تھا ۔ پولےس ذرائع کے مطابق انسپیکٹر محمد ریاض 6 روز سے ڈیوٹی پر نہیں آرہا تھا ڈیوٹی پر نہ آنے پر ایس ایچ او گھر گیا تو گھر پر تالہ لگا دیکھ کر واپس لوٹ گیا انسپکٹر محمد ریاض گھر پر اکیلا رہے رہا تھا،تاحال فوری طور پر انسپیکٹر کی موت کی وجہ سامنے نہیں آسکی ہے، پولیس خودکشی سمیت دیگر پہلووں پر تفتیش کر رہی ہے۔