بلوچستان صوبائی اسمبلی سیکرٹریٹ کے انتخابات مکمل،آزاد پینل تمام نشستوں پر کامیاب،میر ظفر رند صدر، سلیمان شاہ حریفال جنر ل سیکرٹری منتخب

کوئٹہ(ڈیلی گرین گوادر)بلوچستان صوبائی اسمبلی سیکرٹریٹ و ایم پی اے ہاسٹل آفیسرز ویلفیئر ایسو سی ایشن کے انتخابات مکمل آزاد پینل نے تمام نشستوں پر کامیابی میر ظفر رند صدر جبکہ سلیمان شاہ حریفال جنر ل سیکرٹری منتخب ہوگئے، تفصیلات کے مطابق منگل کو بلوچستان صوبائی اسمبلی سیکرٹریٹ و ایم پی اے ہاسٹل آفیسرز ویلفیئر ایسو سی ایشن کے انتخابات برائے سال 2022سلطان محمد شاہوانی کی نگرانی میں منعقد ہوئے جن میں 138افسران نے ووٹ کاسٹ کئے انتخابات میں آزاد پینل کے میر ظفرعلی رند 80ووٹ لیکرصدر جبکہ آزاد پینل کے ہی سلیمان شاہ حریفال جنرل سیکرٹری، خالد قمبرانی سرپرست اعلیٰ کامران جلیل دوتانی سینئر نائب صدر، سید ادریس آغا سینئر جوائنٹ سیکرٹری، سکندر کنرانی ڈپٹی جنرل سیکرٹری، محمد وسیم فنانس سیکرٹری، عمران کمال سمالانی پریس سیکرٹری، نازیہ اسلم سیکرٹری خواتین، عمران خان جمالی سپورٹس سیکرٹری،عبدالخالق رند آفس سیکرٹری، سہیل نور بزدار ڈپٹی چیئرمین مجلس عاملہ، یاسر دال نصیر جتک جونیئر نائب صدر، محمد سلیم ترین جونیئر جوائنٹ سیکرٹری، حیات اللہ نورزئی رابطی سیکرٹری، لکھمیر خان لانگو چیئر مین مجلس عاملہ منتخب ہوگئے۔