وزیر اعلیٰ بلوچستان کی دلچسپی اور کوششوں سے صوبہ ترقی کی راہ پر گامزن ہے،فرح عظیم شاہ

کوئٹہ(ڈیلی گرین گوادر) ترجمان حکومت بلوچستان محترمہ فرح عظیم شاہ نے اوستہ محمد،حب اور کاریزات کو ضلع بنانے کے اقدام کو خوش آئند قرار دیتے ہوئے کہا ہے کہ موجود صوبائی حکومت کی جانب صوبے کی ترقی اور عوام کی فلاح و بہبود کے لئیے اس طرح کے مثبت اقدامات عوام دوستی کا ثبوت ہیں۔ بیان میں کہا گیا کہ حکومت نے نئے اضلاع کی منظوری دیکر عوام کے دل جیت لیئے ہیں۔ان اضلاع کی منظوری سے ان علاقوں میں ترقی اور خوشحالی کا نیا دور کا آغاز ہوگا۔انہوں نے کہا کہ حکومت وزیراعلی بلوچستان میر عبدالقدوس بزنجو کے ویژن کے مطابق عملی اقدامات اٹھانے پر یقین رکھتی ہے۔ وزیر اعلیٰ بلوچستان کی دلچسپی اور کوششوں سے صوبہ ترقی کی راہ پر گامزن ہے اور حکومت کی کارکردگی میں ہر گزرتے دن کے ساتھ بہتر آرہی ہے۔انہوں نے کہا کہ اوستہ محمد،حب اور کاریزات کوضلع کا درجہ ملنے سے وہاں کے بے روزگار نوجوانوں کے لیے روزگار کے مواقع پیدا ہونگے جوکہ بیروزگار نوجوانوں کے لئیے کسی خوشخبری سے کم نہیں جبکہ مختلف محکموں اور انتظامی دفاتر کے قائم سے عوام کو اپنے انتظامی کاموں میں بغیر کسی دشواری سہولیات مہیا ہوگی اس کے علاوہ تمام تعلیمی اداروں میں داخلوں کے لئیے طلباء کا الگ کوٹہ رکھا جائے گا اور ترقیاتی کاموں میں بھی اضافہ ہوگا جس سے یہ پسماندہ علاقے دیگر ترقی یافتہ علاقوں کے برابر آئیں گے انہوں نے کہا کہ ان اضلاع کے عوام کے لیے حکومت بلوچستان کے انقلابی اقدام سے ان کو دہلیز پر سہولیات ملیں گی ۔جس سے ان علاقوں کے رہنے والوں کے معیار زندگی میں نمایاں تبدیلی رونما ہوگی۔