سابق حکومت کے 5وزرا نے تاحال رہائش گاہیں خالی نہیں کیں

اسلام آباد: منسٹر کالونی سے تاحال متعدد سابق حکومت کے وزرا نے سرکاری رہائش گاہیں خالی نہیں کیں۔
وزارت ہاؤسنگ کے نوٹس کے بعد سابق وفاقی وزیر حماد اظہر نے رہائش گاہ خالی کر دی، 5وزرا نے تاحال رہائش گاہیں خالی نہیں کیں۔رہائش پذیر تحریک انصاف کے وزرا کو بھی وزارت ہاؤسنگ نے رہائش گاہیں خالی کرنے کا حتمی نوٹس جاری کر دیا ہے، عہدے سے ہٹنے کے بعد 15 دن کے اندر رہائش گا ہیں چھوڑنا ضروری ہوتا ہے، عہدہ ختم ہونے کے باوجود متعدد وزرا منسٹرکالونی میں رہائش پذیر ہیں۔سابق وفاقی وزیر پرویز خٹک، زبیدہ جلال، نور الحق قادری، فہمیدہ مرزا اور عثمان ڈار نے تاحال رہائش گاہیں خالی نہیں کیں، ان سابق وزرا کو بھی وزارت ہاؤسنگ کی جانب سے نوٹس جاری کیے گئے ہیں۔