کامیاب عازمین حج کے ناموں کا انتخاب آج کیا جائے گا مولانا عبدالواسع مہمان خصوصی ہوں گے

اسلام آباد:کامیاب عازمین حج کے ناموں کا انتخاب آج کمپیوٹرائزڈ بیلٹنگ کے ذریعے کیا جائے گا۔ اس سال 65 سال سے زائد عمر کے افراد حج نہیں کر سکیں گے۔وزارت مذہبی امور اور بین المذاہب ہم آہنگی سرکاری حج سکیم کے تحت کل 63,666 درخواست گزاروں میں سے 32,000 سے زائد عازمین کے ناموں کے انتخاب کے لیے قرعہ اندازی کرے گی۔قرعہ اندازی کی تقریب میں وزیر مواصلات اسد محمود اور وزیر ہاؤسنگ مولانا عبدالواسع مہمان خصوصی ہوں گے۔ وزارت کے ترجمان محمد عمر بٹ نے کہا تھا کہ وزارت نے وقت کی کمی کی وجہ سے حج درخواستیں جمع کرانے کی آخری تاریخ میں توسیع نہیں کی تھی۔انہوں نے کہا کہ پاکستان نے اس سال 81,132 عازمین حج کا حج کوٹہ حاصل کیا جسے بالترتیب 40:60 فیصد کے تناسب سے سرکاری اور نجی سکیموں میں تقسیم کیا جا رہا ہے۔بولے حج اخراجات کا تخمینہ لگاتے ہوئے کہا کہ اس سال حج پر کل لاگت 700,000 سے 10 لاکھ روپے متوقع تھی تاہم سعودی وزارت حج و عمرہ نے تاحال لازمی اخراجات کی تفصیلات فراہم نہیں کیں۔