پہاڑ سے گرنے والے طالب علم کو لیویز فورس نے ریسکیو کیا
خضدار(ڈیلی گرین گوادر) کوشک کی پہاڑی سے مدرسے کا طالب علم گرکر زخمی ہو گیا۔ لیویز فورس کی کوئک ریسپانس, بچے کو ریسکیو کیا گیا اتوار کی شام کو مدرسہ کاشف العلوم کوشک کے دو طالب علم قریبی پہاڑی پر چڑھ گئے جن میں سے ایک طالب غلام مرتضیٰ چھٹہ ساکن زیدی پھسل کر چند فٹ نیچے گرا اور زخمی ہوگیا۔ انتظامیہ کو اطلاع ملتے ہی ڈپٹی کمشنر خضدار میجر ریٹائرڈ محمد الیاس کبزئی کی ہدایت پر لیویز کے جوان انچارج نوراحمد زہری کی سربراہی میں پہاڑی کے متعلقہ مقام پر پہنچ کر بچے کو ریسکیو کیا اور انہیں ہسپتال پہنچایا گیا۔
