گڈانی کے قریب ٹریفک حادثہ ایک شخص جاں بحق
اوتھل(ڈیلی گرین گوادر)گڈانی کے قریب گاڑی کی ٹکر سے موٹر سائیکل پر سوار ایک نوجوان جاں بحق ہو گیا۔ایدھی زرائع کے مطابق حب کے قریب گڈانی پولیس کی حدود میں ڈی جی سیمنٹ فیکٹری کے قریب موٹر سائیکل سوار 35 سالہ مہراللہ ولد محمد عیسیٰ کو نامعلوم گاڑی نے ٹکر مار دی جس کے نتیجے میں وہ موقع پر ہی جاں بحق ہوگیا۔متوفی کو ایدھی ایمبولینس کے ذریعے گڈانی رورل ہیلتھ سینٹر منتقل کردیا گیا۔جہاں گڈانی پولیس نے ضروری کاروائی کے بعد نعش ورثاء کے حوالے کردی۔
