عمران خان کی حکومت میں معیشت کے تقریباً تمام شعبے جمود کا شکار رہے، میاں محمد شہباز شریف

اسلام آباد (ڈیلی گرین گوادر) وزیرِ اعظم میاں محمد شہباز شریف کا کہنا ہے کہ عمران خان کی حکومت میں معیشت کے تقریباً تمام شعبے جمود کا شکار رہے۔

ان کا کہنا ہے کہ 5 سال بعد بھی پشاور موڑ تا اسلام آباد ایئر پورٹ میٹرو بس پراجیکٹ نامکمل ہے، منصوبے کو جلد مکمل کرنے اور التواء کی انکوائری کا حکم دیا ہے۔وزیرِ اعظم میاں محمد شہباز شریف نے کہا ہے کہ بدقسمتی سے عوامی بہبود کے منصوبے میں تاخیر اور لاگت میں اضافہ ہوا ہے۔

ان کا مزید کہنا ہے کہ ماس ٹرانزٹ سسٹم شہریوں کو سستی اور ماحول دوست ٹرانسپورٹ فراہم کرنے کا راستہ ہے
وزیرِ اعظم شہباز شریف کا یہ بھی کہنا ہےکہ میٹرو بس نیٹ ورک دارالحکومت اسلام آباد کے دیگر علاقوں تک پھیلانے کے لیے فزیبلیٹی رپورٹ طلب کر لی ہے۔