وزیراعظم شہباز شریف ایک روزہ دورے پر کراچی پہنچ گئے

کراچی (ڈیلی گرین گوادر) وزیراعظم شہباز شریف ایک روزہ دورے پر کراچی پہنچ گئے۔ شاہد خاقان عباسی اور مریم اورنگزیب بھی ہمراہ ہیں۔

شہباز شریف اتحادیوں کے ہمراہ بابائے قوم قائداعظم محمد علی جناح کے مزار پر حاضری دینگے۔ وزیراعظم شہبا شریف گورنر ہاؤس کے بجائے وزیر اعلیٰ ہاوس میں بیٹھک لگائیں گے۔ وزیراعظم شہباز شریف کراچی دورے پر پارٹی رہنما اور دیگر سے ملاقاتیں کریں گے۔ شہباز شریف دوپہر دو بجے بہادر آباد میں واقع ایم کیو ایم پاکستان کے مرکز بھی جائیں گے۔ وزیراعظم شہباز شریف کی کراچی کے سرمایہ کاروں اور صنعتکاروں سے بھی ملاقات کا امکان ہے۔