وزیراعلیٰ بلوچستان نے ہائر اینڈ سیکنڈری ایجوکیشن کے میل اور فی میل اساتذہ کی مستقل بنیادوں پر ترقی کی منظوری دے دی
کوئٹہ(ڈیلی گرین گوادر) وزیراعلیٰ بلوچستان میر عبدالقدوس بزنجو نے صوبائی سلیکشن بورڈ کی سفارش پر ہائر اور سیکنڈری ایجوکیشن ڈیپارٹمنٹ کے میل اور فی میل سیکشن اسٹنٹ پروفیسرز، ایڈیشنل ڈائریکٹر اوراساتذہ کی مستقل بنیادوں پر ترقی کی منظوری دے دی۔ ترقی پانے والوں میں ہائر ایجوکیشن(میل سیکشن) کے 40 اسٹنٹ پروفیسرز کو (گریڈ 18) سے ایسوسی ایٹ پروفیسر، پرنسپل انٹرمیڈیٹ کالجز اور جوائنٹ ڈائریکٹر(گریڈ 19) کے عہدوں پر مستقل بنیادوں پر ترقی دیدی گئی ہے۔ سیکنڈری ایجوکیشن ڈیپارٹمنٹ(میل سیکشن) کے ایک ایڈیشنل ڈائریکٹر(گریڈ 19) کو ڈائریکٹر (گریڈ20) میں مستقل بنیاد پر ترقی دے دی گئی۔ سیکنڈری ایجوکیشن ڈیپارٹمنٹ(فیمیل سیکشن) کے 347 ایس ایس ٹی (جنرل، سائنس، ٹیکنیکل) (گریڈ17) 11 سینئر فزیکل ٹیچرز (گریڈ 17) 6 سینئر ڈرائنگ مسٹریس (گریڈ 17) 2 سینئر عربی ٹیچرز کو ہیڈ مسٹریس (گریڈ 17) کے عہدوں پر مستقل بنیادوں پر ترقی دے دی گئی۔ سیکنڈری ایجوکیشن ڈیپارٹمنٹ(فیمیل سیکشن) کے 163 ایس ایس ٹی (جنرل، سائنس، ٹیکنیکل) (گریڈ 17) کو سبجیکٹ سپیشلسٹ (گریڈ 17) کے عہدے پر مستقل بنیادوں پر ترقی دے دی گئی۔ سیکنڈری ایجوکیشن ڈیپارٹمنٹ(میل سیکشن) کے 470 ایس ایس ٹی (جنرل، سائنس، ٹیکنیکل) (گریڈ 17) 15 سینیر فزیکل ایجوکیشن ٹیچرز (گریڈ 17) 14 سینئر ڈرائنگ ماسٹر(گریڈ 17) 14 سینئر عربی ٹیچرز کو ہیڈ ماسٹر(گریڈ 17) کے عہدے پر مستقل بنیادوں پر ترقی دے دی گئی۔ سیکنڈری ایجوکیشن ڈیپارٹمنٹ (میل سیکشن) کے 258 ایس ایس ٹی(جنرل، سائنس، ٹیکنیکل) (گریڈ 17)کو سبجیکٹ سپیشلسٹ (گریڈ 17) کے عہدے پر مستقل بنیادوں پر ترقی دے دی گئی۔ واضح رہے سلیکشن بورڈ کی سفارشات پر مشتمل سمری گزشتہ روز ہی وزیراعلیٰ سیکریٹریٹ کو موصول ہوئی تھی جسکی منظوری بھی اسی دن دے دی گئی اس سے قبل سلیکشن بورڈ کی سفارشات کی منظوری میں مہینوں کی تاخیر ہو جاتی تھی اور سمری کئی مرتبہ مختلف اعتراضات لگا کر واپس کر دی جاتی تھی اس دوران کئی افسر اپنے مقررہ وقت کے دوران ترقی نہ ملنے پر ریٹائیر بھی ہوگئے تاہم وزیر اعلیٰ بلوچستان میر عبدالقدوس بزنجو کا واضع موقف ہے کہ ترقی افسران اور اہلکاروں کا حق ہے جو انہیں بروقت ملنا چاہیے وزیراعلیٰ نے اس قبل بھی صوبائی سلیکشن بورڈ کی سفارش پر سول سیکرٹریٹ اور مختلف محکموں کے افسران کے گزشتہ دور میں غیر ضروری تاخیر کے شکار پروموشن کیسیز کی فوری منظوری دی تھی جس کو افسران اور ملازمین کی جانب سے سراہا گیا تھا۔
