خضدار میں ٹریفک کے تین مختلف حادثات میں دو افراد جاں بحق،سات افراد زخمی
خضدار(ڈیلی گرین گوادر)خضدار میں ٹریفک کے تین مختلف حادثات میں دو افراد جاں بحق سات افراد زخمی ہوگئے، کوچ کی ٹکر سے ایک شخص جاں بحق بچہ زخمی ہوگیا،حادثے کے بعد کوچ میں آگ لگ گئی۔ تفصیلات کے مطابق ہفتے کے روز خضدار زیر و پوائنٹ کے قریب کوچ کی ٹکر سے ایک شخص غلام مصطفی ولد عبدالرحمان مینگل جاں بحق جب کہ ان کا کمسن بچہ محمد یاسی ولد غلامصطفی زخمی ہوگیا۔ زخمی اور جاں بحق افراد کو خضدار ہسپتال پہنچایا گیا موٹرسائیکل پھسل کر کوچ کے نیچے آگئی اور موٹرسائیکل کے اسپارکنگ کی وجہ سے کوچ میں آگ لگ گئی۔ جہاں ڈپٹی کمشنر خضدار میجر (ر) محمد الیاس کبزئی ہسپتال پہنچ کر زخمی بچی کی عیادت اور انہیں دی جانے والی طبی امداد کا جائزہ لیا۔ حادثے میں جاں بحق شخص کے لئے ایمبولینس کے انتظامات کرکے انہیں زیدی بھجوایا جب کہ زخمی بچے کے لئے بھی ایمبولینس کے انتظامات اور نقدی رقم دے کر انہیں مذید علاج کے لئے کراچی بھجوایا۔ ہفتے کے روز وڈھ سٹی اور گھاسلیٹی کے مقام پر دو حادثات ہوئے جہاں ایک شخص زخمی اور خواتین سمیت چھ افراد زخمی ہوگئے۔
