سابق وزیراعلیٰ بلوچستان نواب ثناء اللہ زہری سے نوابزادہ میربلند خان زہری کی ملاقات

خضدار+کراچی (ڈیلی گرین گوادر) پیپلز پارٹی کے مرکزی رہنماء سینئر سیاستدان چیف آف جھالاوان سابق وزیراعلیٰ بلوچستان نواب ثناء اللہ خان زہری اور قبائلی رہنماء شہید نواب نوروز خان زرکزئی کے فرزند نوابزادہ میر بلند خان زہری کے مابین خلق ِجھالاوان کراچی میں ملاقات ہوئی۔اس موقع پر نوابزادہ میر احمد نواز زہری میر شعیب زہری میر شاہجہان زہری میر ناصر زہری رجسٹرار خضدار انجینئرنگ یونیورسٹی آغا جلال شاہ موجود تھے۔ملاقات کے دوران انہوں نے ملکی صوبائی اور علاقائی صورتحال پر گفت و شنید کی اور ایک دوسرے کے ساتھ خیالات کا تبادلہ کیا گیا، نوابزادہ میر بلند خان زہری اور ملاقات میں شریک دیگر شرکاء اور نواب زہری کے مابین باہمی دلچسپی کے امور پر بات چیت ہوئی۔