لسبیلہ،ٹریفک حادثے میں خاتون جاں بحق،2 خواتین سمیت 8 افراد زخمی
لسبیلہ(ڈیلی گرین گوادر) شاہ نورانی روڈ ویراب ندی کے قریب اور غریب آباد حب میں دو مختلف حادثات واقعات ایک خاتون جاں بحق 2خواتین سمیت 8افراد زخمی ہو گئے شاہ نورانی جانے والی زائرین کی گاڑی کو حادثہ خاتون جاں بحق جبکہ حب کے علاقہ غریب آباد میں رشتہ کے تنازعہ پر دو گروپوں میں تصادم چھریوں کے وار سے تین افراد زخمی ہوگئے دونوں کے واقعات کے زخمیوں کو فوری طور پر حب اسپتال پہنچایا گیا اور فرسٹ ایڈ دینے کے بعد کراچی اسپتال ریفر کر دیئے گئے،شاہ نورانی جانے والے زائراین کا تعلق بلدیہ ٹاؤن کراچی کا بتایا جاتا ہے تفصیلات کے مطابق جمعہ کے روز کراچی سے شاہ نورانی جانے والی زائرین کی تیز رفتار سوزکی گاڑی ڈرائیور سے بے قابو ہو کر ویراب ندی کے مقام پر الٹنے کے نتیجے میں 1خاتون 32سالہ سوئی مائی موقع پر جاں بحق ہو گیا جبکہ 2خواتین 23سالہ حسینہ مائی،21سالہ سمرین اور 3مرد جن میں 30سالہ محمد عامر،34سالہ ساجد ولد محمد امین اور 22سالہ ساجد سمیت 5افراد زخمی ہو گئے حادثہ میں جاں بحق خاتون کی نعش اور زخمیوں کو جام غلام قادر گورنمنٹ اسپتال حب پہنچایا گیا جہاں پر زخمیوں کو ابتدائی طبی امداد دینے کے بعد ایدھی ایمبولینس سروس کے ذریعے کراچی اسپتا ل ریفر کردیا گیا جبکہ زائرین کا تعلق کراچی کے علاقہ بلدیہ ٹاؤن سے بتایا جاتا ہے دریں اثنا ء حب کے علاقہ غریب آباد میں رشتہ کے تنازعہ پر دو گروپوں میں تصادم ہوا چھریوں کے وار کے نتیجے میں 3افراد عبدالباسط،عبدالکریم اور محمد انور زخمی ہو گئے زخمیوں کو فوری طور پر جام غلام قادر گورنمنٹ اسپتال حب منتقل کردیا گیا جہاں انہیں ابتدائی طبی امداد دینے کے بعد دو زخمیوں کو کراچی اسپتال ریفر کردیا گیا۔
