ژوب ،اور قلعہ سیف اللہ میں زلزلے کے جھٹکے محسوس کئے گئے

کوئٹہ(ڈیلی گرین گوادر)بلوچستان کے علاقوں ژوب اور قلعہ سیف اللہ میں زلزلے کے جھٹکے محسوس کئے گئے تاہم کوئی جانی و مالی نقصان نہیں ہوا۔ زلزلہ پیماء مرکز کے مطابق ژوب اور گردونواح میں زلزلے کے جھٹکے صبح چار بجکر 35منٹ اور قلعہ سیف اللہ میں گیارہ بجکر 54 منٹ پر رکارڈ کئے گئے،ژوب میں زلزلے کی شدت 3.8 اور قلعہ سیف اللہ میں 3.86 رکارڈ کی گئی،زلزلہ پیماء مرکزکے مطابق ژوب میں زلزلے کا مرکز ژوب سے 28 کلو میٹر شمال مغرب میں جبکہ قلعہ سیف اللہ میں زلزلے کا مرکز قلعہ سیف اللہ سے 37 کلومیٹر شمال مغرب میں تھا۔