کوئٹہ، ایف آئی اے سائبر کرائم سرکل کوئٹہ کی کارروائی،چائلڈ پور نو گرافی میں ملوث ملزم گر فتار

کوئٹہ(ڈیلی گرین گوادر)کوئٹہ میں ایف آئی اے سائبر کرائم سرکل کوئٹہ کی کاروائی،چائلڈ پور نو گرافی میں ملوث ملزم گر فتار۔ تفصیلات کے مطابق ایف آئی اے سائبر کرائم سرکل کوئٹہ نے کوئٹہ کے علا قے میں کا روائی کر تے ہوئے چائلڈ پور نو گرافی میں ملوث ملزم سید حافظ احمد جان شاہ سکنہ سیٹلائٹ ٹاؤن کوئٹہ کو گرفتار کر لیا، ملزم گوگل فوٹوز کلاؤڈ اسٹوریج میں بچوں کے فحش مواد کی بڑی مقدار کو اپنے قبضے میں رکھنے میں ملوث ہے،ترجمان ایف آئی اے کے مطابق ڈیجیٹل آلات کو مناسب طریقے سے ضبط کر لیا گیا ہے اور تفصیلی تجزیہ کے لئے ڈیجیٹل فرانزک لیب کو بھیج دیا گیا ہے،ترجمان ایف آئی اے کے مطابق یہ کاروائی این سی ایم ای سی سائبر ٹپ لائن کی رپورٹ پر کی گئی، مزید تفتیش جاری ہے۔