عمران خان نے کہا این آر او نہیں دوں گا لیکن خود این آر او مانگ رہے ، حافظ حمد اللہ

کندھ کوٹ (ڈیلی گرین گوادر) اپوزیشن اتحاد پی ڈی ایم کے ترجمان حافظ حمد اللہ نے استفسار کیا ہے کہ اتنے قرض لینے کے باوجود ملکی خزانہ خالی کیوں ہے کندھ کوٹ میں جلسے سے خطاب میں حافظ حمد اللہ نے کہاکہ عمران خان نے کہا این آر او نہیں دوں گا لیکن خود این آر او مانگ رہے ہیں۔

انہوں نے استفسار کیا کہ پی ٹی آئی حکومت نے بہت زیادہ قرض لیا، اتنا قرض لینے کے باوجود ملکی خزانے خالی کیوں ہے پی ڈی ایم ترجمان نے مزید کہا کہ مہنگائی میں اضافہ ہورہا ہے، ملک کو لوٹا جارہا ہے، حکومت عوام کو معاشی تباہی کی طرف لے جا رہی ہے۔