لیویز فورس کا 23 مارچ یوم پاکستان پریڈ میں بلوچستان کی نمائندگی کرنا صوبے کے لئے اعزاز ہے، وزیراعلیٰ بلوچستان

کوئٹہ(ڈیلی گرین گوادر) وزیراعلیٰ بلوچستان میر عبدالقدوس بزنجو نے کہا ہے کہ پاک فوج بلوچستان کی فورسز کو دہشت گردی سے نمٹنے اور بہترین فورسز میں ڈھالنے میں گراں قدر معاونت دے رہی ہے لیویز فورس کا 23 مارچ یوم پاکستان پریڈ میں بلوچستان کی نمائندگی کرنا صوبے کے لئے اعزاز ہے، یہ بات انہوں نے پیر کو ای ایم ای سینٹر کوئٹہ کینٹ میں بلوچستان لیویز فورس کی پریڈ کامعائنہ کرنے کے موقع پر جوانوں سے خطاب کرتے ہوئے کہی، بلوچستان لیویز فورس کا دستہ پہلی مرتبہ 23 مارچ کی پریڈ میں حصہ لیگالیویز فورس کے دستہ کو پریڈ کے لئے پاک فوج نے تربیت دی ہے وزیر اعلیٰ میر عبدالقدوس بزنجو نے اس موقع پر خطاب کرتے ہوئے کہا کہ بلوچستان لیویز فورس کو دوبارہ زندہ کر دیا گیا ہے پاک فوج بلوچستان کی فورسز کو دہشت گردی سے نمٹنے اور بہترین فورسز میں ڈھالنے میں گراں قدر معاونت دے رہی ہے یہ ہمارے لئے اعزاز ہے کہ لیویز فورس 23 مارچ یوم پاکستان پریڈ میں بلوچستان کی نمائند گی کریگی انہوں نے کہا کہ لیویز فورس کی نمائندگی سے بلوچستان کا نام روشن ہوگالیویز فورس کو بہترین فورس بنانے کے لئے تمام وسائل فراہم کرینگے