شمالی وزیر ستان میں آپریشن فائرنگ کے تبادلے میں 2 دہشتگرد مارے گئے

راولپنڈی: سکیورٹی فورسز نے شمالی وزیر ستان میں خفہ اطلاعات پر آپریشن کیا۔ فائرنگ کے تبادلے میں 2 دہشتگرد مارے گئے۔ دہشت گردوں کے قبضے سے بھاری مقدار میں اسلحہ و بارود برآمد کر لیا گیا۔آئی ایس پی آر کے مطابق سکیورٹی فورسز نے شمالی وزیرستان کے علاقے دتہ خیل میں آپریشن کیا۔ آپریشن دہشتگردوں کی موجودگی کے بعد خفیہ معلومات پر کیا گیا۔ فائرنگ کے تبادلے میں دو دہشتگرد مارے گئے۔ترجمان پاک فوج کے مطابق مارے گئے ایک دہشتگرد کی شناخت عصمت اللہ کے نام سے ہوئی جبکہ دوسرے دہشتگرد کی شناخت کی جا رہی ہے۔ دہشت گردوں کے قبضے سے اسلحہ و بارود کا بھاری ذخیرہ برآمد کیا گیا، جس میں سب مشین گنیں، دستی بم سمیت دیگر اسلحہ شامل ہے۔ دہشتگرد سیکیورٹی فورسز کے خلاف کاروائیوں، ٹارگٹ کلنگ اور اغوا برائے تاوان میں ملوث تھے۔