رکن بلوچستان اسمبلی قادرنائل کا سرداربہادر خان وومن یونیورسٹی کا دورہ
کوئٹہ(ڈیلی گرین گوادر) ہزارہ ڈیموکریٹک پارٹی کے رکن بلوچستان اسمبلی قادرنائل نے پیر کوسردار بہادر خان وومن یونیورسٹی کی وائس چانسلر کی دعوت پر یونیورسٹی کا دورہ کیا اس موقع پرسردار بہادرخان وومن یونیوسٹی کی ٹیم نے یونیورسٹی میں طالبات کو فراہم کی جانے والی تعلیم اورسہولیات کے بارے میں تفصیلی بریفنگ دی۔ رکن صوبائی اسمبلی قادرنائل نے سردار بہادر خان وومن یونیورسٹی کی وائس چانسلر ڈاکٹرساجدہ نورین کی کاوشوں انکے وژن اور یونیورسٹی کے عملے اورملازمین کے ٹیم ورک کوسراہا اس موقع پر بات چیت کرتے ہوئے رکن اسمبلی نے کہا کہ سردار بہادر خان وومن یونیورسٹی کا صوبے میں تعلیم کے فروغ کیلئے اہم کرداررہا ہے انہوں نے یونیورسٹی انتظامیہ کو اپنے ہرممکن تعاون کا یقین دلایا اس موقع پرانہوں نے یونیورسٹی کے مختلف شعبوں کا بھی معائنہ کیا۔
