لسبیلہ، گورنمنٹ بوائزمڈل اسکول اوتھل کے 7 طلباء کورونا وائرس کا شکار

اوتھل(ڈیلی گرین گوادر)لسبیلہ میں کرونا وائرس کی شدت میں اضافہ، گورنمنٹ بوائز مڈل اسکول گوٹھ گلانی اوتھل کے 7 طلباء کورونا وائرس کا شکار، تفصیلا ت کے مطابق لسبیلہ کے صدر مقام اوتھل میں کرونا وائرس پنجے گاڑھنے لگا۔بلوچستان ریزیڈینشل کالج کے بعد گورنمنٹ بوائز مڈل اسکول گوٹھ گلانی اوتھل میں 7 طلباء کورونا وائرس کا شکار ہوگئے ہیں ڈی ایچ او لسبیلہ ڈاکٹر قمراللہ رونجھو نے کیسز کی تصدیق کرتے ہو ئے بتا یا کہ کورونا کا شکار گورنمنٹ بوائز مڈل اسکول گوٹھ گلانی کے 7 طلباء کو اپنے گھروں قر نطینہ کر دیا گیاہے انہوں نے کہا ہے کہ ایسی صورتحال میں اپنے عزیزوں پیاروں اور اپنے آپ کی صحت کا خیال رکھیں حکو مت کی جانب سے جا ری کر دہ ایس او پیز پر عملدرآمد کیا جائے۔کیوں کہ کرونا وائرس سے بچاؤ کا واحد حلایس او پیز پر عمل کرنا اور سماجی دوری ہے۔