وزیراعلیٰ بلوچستان نے زیارت قلعہ سیف اللہ کان مہتر زئی میں ہونے والی برف باری کا فضائی جائیزہ لیا

کوئٹہ(ڈیلی گرین گوادر)وزیراعلیٰ بلوچستان میر عبدالقدوس بزنجو نے اتوار کے روز زیارت قلعہ سیف اللہ کان مہتر زئی اور ملحقہ علاقوں میں ہونے والی برف باری اور صورتحال کا فضائی جائیزہ لیا چیف سیکرٹری بلوچستان مطہر نیاز رانا بھی وزیراعلیٰ کے ہمراہ تھے وزیراعلیٰ نے علاقے میں قومی شاہراہوں کا فضائی معائینہ بھی کیا اور اس بات پر اطمینان کا اظہار کیا کہ قومی شاہراہوں سے بر ف صاف کر کے انہیں ٹریفک کی آمد ورفت کے قابل بنا دیا گیا ہے جسکے لئے پی ڈی ایم اے این ایچ اے اور ضلعی انتظامیہ کی کارکردگی قابل تعریف ہے اور تمام اداروں نے مشکل صورتحال میں بہترین ٹیم ورک کا مظاہرہ کیا وزیراعلیٰ نے چیف سیکریٹری کو بہترین کاکردگی کے حامل متعلقہ افسران اور اہلکاروں کو تعریفی اسناد دینے کی ہدایت کی