سیلاب سے متاثرہ علاقوں میں ایف سی ساوتھ بلوچستان کی طرف سے امدادی کارروائیاں

کوئٹہ(ڈیلی گرین گوادر)سیلاب سے متاثرہ علاقوں میں ایف سی ساوتھ بلوچستان کی جانب سے امدادی کارروائیاں کی گئی۔ منگل کو ایف سی بلوچستان ساؤتھ کی جانب سے سیلاب سے متاثرہ علاقوں مند، تربت، عبدوء، جلبانی، دشت اور بلنگور میں امدادی کارروائیاں زور و شور سے جاری لوگوں کو نہ صرف محفوظ مقامات تک پہنچایا گیا بلکہ ان کے لئے خشک راشن کا بندوبست بھی کیا گیا۔ اس کے ساتھ ساتھ فری میڈیکل کیمپ کا انعقاد کیا گیا تاکہ متاثرین کو بنیادی طبی سہولیات فراہم کی جائیں۔ ایف سی کے ان اقدامات کو مقامی لوگوں اور سول سوسائٹی اور ضلعی انتظامیہ کی طرف سے سراہا گیا۔