دہشتگرد عناصر ایسے بزدلانہ حملوں سے ہمارے حوصلے پست نہیں کرسکتے،بشریٰ رند
کوئٹہ(ڈیلی گرین گوادر)پارلیمانی سیکرٹری اطلاعات سماجی بہبود و غیر رسمی تعلیم محترمہ بشریٰ رند نے کوئٹہ بم دھماکے کے نتیجے زخمی ہونے والے افراد پر گہرے دکھ اور افسوس کا اظہار کیا. اپنے ایک بیان میں پارلیمانی سیکرٹری اطلاعات سماجی بہبود و غیر رسمی تعلیم محترمہ بشریٰ رند نے بم دھماکے کی شدید الفاظ میں مذمت کرتے ہوئے کہا کہ دہشتگرد عناصر ایسے بزدلانہ حملوں سے ہمارے حوصلے پست نہیں کرسکتے. انہوں نے قانون نافذ کرنے والے اداروں پر زور دیا کہ وہ بم دھماکے میں ملوث عناصر کی جلد گرفتاری کیلئے تمام دستیاب وسائل کو بروئے کار لائیں. انہوں نے زخمیوں کو تمام ضروری طبی سہولیات فراہم کرنے کیلئے متعلقہ افراد کو ہدایت کی محترمہ بشریٰ رند نے زخمیوں کی جلد صحت یابی کیلئے دعا کی۔
