نوجوت سنگھ سدھو نے وزیر اعظم عمران خان کو اپنا بڑا بھائی قرار دیا
لاہور:بابا گرو نانک کی جنم دن کی تقریبات میں کرتارپور آئے معروف بھارتی سیاست دان نوجوت سنگھ سدھو نے وزیر اعظم عمران خان کو اپنا بڑا بھائی قرار دیا۔
پاکستان آمد کے موقع پر سدھو کی کرتار پور کے سی ای او سے ملاقات کی ویڈیو سوشل میڈیا پر وائرل ہورہی ہے جس میں پاکستانی حکام کو سدھو کا استقبال کرتے دیکھا جاسکتا ہے۔
ننکانہ صاحب میں سکھ مذہب کے بانی بابا گرو نانک کے 552 ویں جنم دن کی تقریبات جاری ہیں۔ دنیا بھر سے آئے سکھ یاتری مذہبی رسومات کی ادائیگی میں مصروف ہیں۔
